Ukrayna Müdafiə Nazirliyinin Baş Kəşfiyyat İdarəsinin (GUR) hakerləri Rusiyanın strateji aviasiya istehsalçısı olan “Tupolev” konstruksiya bürosunun onlayn resurslarına uğurlu kiberhücum həyata keçirib.

KONKRET.az xəbər verir ki, “RBK-Ukrayna”nın məlumatına görə, əməliyyat nəticəsində ukraynalı kiberkəşfiyyatçılar “Tupolev”in strateji bombardmançı təyyarələrinin istehsalı ilə bağlı kritik məlumatlara çıxış əldə ediblər. Əldə olunan məlumatların detalları açıqlanmasa da, onların Rusiya üçün strateji əhəmiyyət daşıdığı vurğulanır.

Simvolik mesaj olaraq, hakerlər “Tupolev”in rəsmi saytına müdaxilə edərək əsas səhifəyə bir bayquşun pəncəsində Rusiya təyyarəsini tutduğu təsviri yerləşdiriblər.

Ukrayna tərəfi bu əməliyyatı Rusiya hərbi sənaye kompleksinə qarşı növbəti uğurlu informasiya müharibəsi addımı kimi dəyərləndirir.

Natiq Səlim,
KONKRET.az