Sumı vilayətində 183 yaşayış məntəqəsi Rusiya tərəfindən davamlı atəşə tutulduğu üçün boşaldılır.
KONKRET.az xəbər verir ki, bunu Ukrayna Daxili İşlər Nazirliyinin rəhbəri İqor Klimenko bildirib.
O vurğulayıb ki, Kursk vilayətindəki bufer zonası Ukraynanın sərhədyanı icmalarını Rusiyanın atəşindən qorumaq üçün nəzərdə tutulub.
“Təkcə yayda ruslar Sumi vilayətinin ərazisinə 2 mindən çox zərbə endiriblər. Rayonun 15 ərazisinin 183 yaşayış məntəqəsindən əhali prioritet olaraq təxliyə edilir. Artıq 20 mindən çox insan, o cümlədən 2,5 min uşaq çıxarılıb”, – Klimenko qeyd edib.
Rəsmiyyə Şərifova
KONKRET.az