Azərbaycan Dövlət İqtisad Universitetinin (UNEC) müəllimi vəfat edib.
KONKRET.az xəbər verir ki, bu barədə UNEC məlumat yayıb.
Universitetin Maliyyə və audit kafedrasının dosenti Cəmaləddin Zərbəliyev dünyasını dəyişib.
O, 1966-1970-ci illərdə UNEC-də Mühasibat uçotu, nəzarət və təsərrüfat fəaliyyətinin təhlili ixtisası üzrə təhsil alıb. Məzun olduğu il universitetdə laborant kimi işə qəbul olunub, 1973-cü ildən müəllimlik fəaliyyətinə başlayıb. 2005-2020-ci illərdə Uçot-iqtisad fakültəsinin (indiki Maliyyə və mühasibat) dekan müavini olub.