“Ermənistan Laçın dəhlizinin bir saat, bir saniyə tez açılması üçün hər şeyi etməyə borcludur”.

KONKRET.az xəbər verir ki, bunu dekabrın 23-də Gümrüdə jurnalistlərlə söhbətində Ermənistan Prezidenti Vaaqn Xaçaturyan deyib.

O bildirib ki, Ermənistan hakimiyyəti Laçın dəhlizinin ən qısa zamanda açılması üçün bütün lazımi addımları atmalıdır.

“Hakimiyyət Laçın dəhlizinin tez bir zamanda açılması üçün işləməyə və hər şeyi etməyə borcludur. Bu o demək deyil ki, biz başqa sahələrdə işi dayandırmalıyıq.

Azərbaycan tərəfi Ermənistanın iqtisadi uğurlarının qarşısını almağa çalışacaq. Lakin istənilən halda biz buna nail olmalıyıq”, – deyə prezident sərsəmləyib.

Xuraman Etibarlı,

KONKRET.az