Məhəmməd Pakpur İnqilab Keşikçiləri Korpusunun (SEPAH) Baş komandanı təyin edilib.
KONKRET.az xəbər verir ki, bu barədə “Tasnim” məlumat yayıb.
O, İsrail hücumlarında öldürülən Hüseyn Səlamini əvəz edəcək.
Qeyd edək ki, İsrail Hərbi Hava Qüvvələri 13 iyun səhər tezdən İranın nüvə və hərbi bazalarına zərbələr endirib. Zərbələr nəticəsində İranın Natanzdakı nüvə obyekti, Təbriz və digər şəhərlərdəki hərbi və raket bazaları vurulub, İran Silahlı Qüvvələrinin Baş Qərargah rəisi, general-leytenant Məhəmməd Bagiri, İslam İnqilabı Keşikçiləri Korpusunun komandiri Hüseyn Salami, SEPAH generalı Qulaməli Rəşid, nüvə alimləri Məhəmməd Mehdi Tehrançı və Firudin Abbasi öldürülüb.