İran rəhbəri Əli Xamenei Qərblə nüvə danışıqlarının aparılması barədə Prezident Məsud Pezeşkiana göstəriş verib.

KONKRET.az xəbər verir ki, bu haqda “İran İnternational” məlumatlı mənbələrə istinadən məlumat yayıb.

“Əli Xamenei Pezeşkiana Qərblə vasitəçilik etmək üçün Qətər əmirindən kömək istəməsini tapşırıb”, – məlumatda bildirilib.

Qətərin rəsmi xəbər agentliyi isə xəbəri təsdiq edib və yazıb ki, ölkə əmiri Pezeşkianın şifahi mesajını sentyabrın 4-də Dohada səfərdə olan İran XİN başçısı Abbas Arakçı ilə görüşü zamanı alıb.

Mənbələr bildiriblər ki, mesajda Şeyx Təmim bin Həməddən Tehran və Qərb dövlətləri arasında “tətik” mexanizmi çərçivəsində sanksiyaların geri qaytarılmasının qarşısını almaq üçün vasitəçilik etməsi xahiş olunur.