60-65 yaş arasında olan müəllimlərin dərs yükünün dəyişməsindən söz gedə bilməz. 

KONKRET.az xəbər verir ki, bunu yeni tədris ilinin açılmasına həsr olunan mətbuat konfransında Təhsil naziri Emin Əmrullayev bildirib

Onun sözlərinə görə, həmin müəllimlərin dərs yükü müvafiq qaydada qalacaq, yəni onların yaşına görə dərs yükünün müəyyənləşdirilməsi meyarı yoxdur:

“60 yaşdan yuxarı olan müəllimlərin sayı cəmi 12 faiz təşkil edir. Düşünmürəm ki, həmin müəllimlərin əvəz edilməsi ilə bağlı ciddi problem olsun. Onların dərs yükü dəyişməyəcək və əmək haqları da müvafiq qaydada qalacaq”.