Yeni Zelandiyanın müdafiə naziri Peni Henare Ukraynaya səfər edib.
KONKRET.az xəbər verir ki, bu barədə Henare jurnalistlərə açıqlamasında deyib.
Henare səfər zamanı Ukrayna müdafiə naziri Aleksey Reznikovla görüşdüyünü bildirib.
“Yeni Zelandiyanın Böyük Britaniyada Ukrayna hərbçilərinə dəstək missiyasının 2023-cü ilin iyul ayına qədər uzadılmasını müzakirə etdik. Kiyevə səfər Yeni Zelandiyanın Ukrayna xalqını dəstəklədiyinə və Rusiyanın qanunsuz işğalına qarşı Ukraynanın müdafiə səylərinə dəstəyimizin sarsılmaz olduğuna dair güclü siqnaldır”, – Henare bildirib.
Yeli Zelandiya müdafiə naziri Polşaya da səfər edib və müdafiə naziri Mariuş Blaşakla görüşüb.