Rusiya Xarici İşlər Nazirliyinin rəsmi nümayəndəsi Mariya Zaxarova NATO-nun Cənubi Qafqazdakı fəaliyyətini tənqid edib. O, alyansın bölgəyə müdaxiləsinin təhlükəsizliyi gücləndirmək əvəzinə, daha da gərginləşdirdiyini bildirib.
KONKRET.az xəbər verir ki, Zaxarova bu fikirləri iyunun 11-də keçirdiyi həftəlik brifinqdə səsləndirib.
O qeyd edib ki, NATO-nun regionda artan fəaliyyəti Rusiya üçün narahatlıq doğurur və bunun bölgədə sabitliyə xidmət etmədiyini vurğulayıb.
“Biz dəfələrlə demişik ki, NATO-nun Cənubi Qafqazda iştirakı sabitlik və təhlükəsizlik üçün heç bir yaxşı nəticə vəd etmir. Əksinə, bu, regionda yeni qarşıdurmalara zəmin yaradır”, – deyə Zaxarova bildirib.
O, həmçinin əlavə edib ki, alyansın geosiyasi maraqları naminə atdığı addımlar bölgə dövlətlərinin milli maraqları ilə ziddiyyət təşkil edir.
Aynurə İsmayıl
KONKRET.az