Zelenski Baydenlə görüşəcəkbackend

Zelenski Baydenlə görüşəcək

“Dövlət başçılarının görüşü təkcə onların siyasi iradəsindən və cədvəllərindən deyil, həm də koronavirusla bağlı vəziyyətdən asılıdır”

Ukraynalı diplomatlar və Prezidentin ofisi, Prezident Vladimir Zelenski ilə ABŞ Prezidenti Co Bayden arasında görüş hazırlıqlarına başlayıblar.

KONKRET.az “İnterfaks”a istinadən bildirir ki, bu barədə Ukraynanın ABŞ-dakı səfiri Oksana Markarova deyib.

Onun sözlərinə görə, Ukrayna rəsmilərinin ABŞ-a səfəri və ABŞ rəsmilərinin Ukraynaya səfəri üçün dəvətlər hazırlanır. Markarova əlavə edib ki, dövlət başçılarının görüşü təkcə onların siyasi iradəsindən və cədvəllərindən deyil, həm də koronavirusla bağlı vəziyyətdən asılıdır.

Bundan əvvəl Ukrayna Prezident Aparatının rəhbəri Andrey Yermak ABŞ lideri Co Baydenin Ukraynaya səfər etmək üçün fürsət gözlədiyini söyləmişdi.

Qeyd edək ki, aprelin 2-də Zelenski ilə Bayden arasında bir saata yaxın telefon söhbəti olub. Bayden Zelenskiyə bildirib ki, Ukraynada və ətrafında baş verənlər barədə tam məlumata malikdir.

Loading...

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*