Parlament seçkilərinin oktyabrın 26-na təyin edilməsi haqqında sərəncam imzalayan Gürcüstan prezidenti Salome Zurabişvili onların əhəmiyyətindən danışıb.
KONKRET.az xəbər verir ki, bu barədə informasiyanı gürcü mətbuatı yayıb.
“Qərar günü, seçim günü, sağ qalma günü yaxınlaşır”, – deyə Gürcüstan Prezidenti qeyd edib.
Zurabişvili “Gürcü arzusu”nun oktyabrın 26-da seçicilərin sülh və müharibə arasında seçim etməli olması ilə bağlı iddiaları yalan adlandırıb.
“Bu gün Gürcüstanda heç kim müharibə istəmir və heç kim buna hazırlaşmır”, – prezident deyib.
Onun sözlərinə görə, seçicilər referenduma bərabər olan seçimə hazırlaşmalıdırlar: Avropa yoxsa Rusiya?”
Gürcüstan dövlət başçısının sözlərinə görə, müxalifət partiyalarının seçkilərdə fərdi qələbə üçün resursları və şəraiti yoxdur.
“Oktyabrın 26-da gürcü xalqı qalib gələcək və öz sözünü deyəcək”, – o, fikrini yekunlaşdırıb.
Rəsmiyyə Şərifova
KONKRET.az