“Bu gün faktiki olaraq biz Rusiya ilə münasibətləri kəsdik. Rusiya düşmən dövlət elan edilib”.

KONKRET.az xəbər verir ki, bu sözləei erməni siyasətçi Levon Zurabyan bildirib.

O xatırladıb ki, qız evində toydur, amma oğlan evinin xəbəri yoxdur. Deməli, biz Avropa İttifaqına getdiyimizi bəyan edirik, amma Qərbin bundan xəbərləri yoxdur.

“Onlar nəinki orada xəbərdar deyillər, bizdən nə istədikləri də tam bəlli deyil. Avropa İttifaqı bizim Aİ-yə daxil olmağımızı istəyir? Məncə, Aİ istəyir ki, biz Rusiya ilə əlaqələri tam kəsək, onlar isə bizi qəbul etməsinlər”.

Siyasətçi vurğulayıb ki, Aİ Ermənistana heç bir sərmayə qoymur, 5 il ərzində yalnız 270 milyon avro yardım göstərilib.

“Bu, Ermənistanı gücləndirmək yox, Nikolun hakimiyyətini saxlamaq baxımından kiçik bir şeydir. Odur ki, Aİ-nin istəyinin Ermənistanın istəyi ilə üst-üstə düşmədiyi göz qabağındadır. Belə olan halda biz niyə Rusiya ilə münasibətlərimizi kəsirik, vəziyyəti qızışdırırıq? Düzdür, ruslar üzərinə düşən vəzifələri yerinə yetirməyiblər, onlar düzgün addım atmayıblar. Rusların hərbi nüfuzu kifayət qədər aşağı düşüb, amma bu, o demıək deyil ki, onlarla münasibətlər tam kəsilsin”.

Natiq Səlim,

KONKRET.az