Hadisə Xaçmaz rayonunun Rəhimoba kənd yolunda qeydə alınıb
Konkret.az-ın şimal bürosunun verdiyi xəbərə görə, minik avtomobili ilə yük avtomibilinin toqquşması nəticəsində Quba rayon Qərəxun kənd sakinləri 1979-cu il təvəllüdlü Qurbanova Sara Hacıağa qızı və 1982-ci il təvəllüdlü Qasımova Dürdanə Mirəli qızı ağır bədən xəsarətləri alıb.Yaralılar Xaçmaz Rayon Mərkəzi Xəstəxanasına çatdırılıb. İlkin tibbi yardımdan sonra Dürdanə Qasımova ambulator müayinə üçün evə buraxılıb. Qurbanova Sara Hacıağa qızının vəziyyəti ağır olduğu üçün o, müalicəsini stasionar qaydada davam etdirir. Faktla bağlı Xaçmaz Rayon Polis Şöbəsində cinayət işi açılıb. Araşdırmalar davam etdirilir.
Cəlal Fərzəliyev