Avstraliyalı şoumen və teleaparıcı, pedofiliyaya görə məhkum olunmuş Rolf Harris 94 yaşında vəfat edib.

KONKRET.az xarici mediaya istinadən xəbər verir ki, məhşur şoumen 2022-ci ildən bəri qırtlaq xərçəngindən əziyyət çəkirdi. O, yandırılaraq dəfn olunub.

Qeyd edək ki, Rolf Harris 1952-ci ildə televiziya animatoru kimi fəaliyyətə başlayıb. Və tezliklə özünü musiqi sahəsində də sınayıb. 1957-ci ildə ifa etdiyi “Tie Me Kangaroo Down, Sport” hiti ona Böyük Britaniya, Avstraliya və ABŞ-da məşhurluq qazandırıb. Rolf daha sonra televiziya şoularında populyarlaşıb.

Lakin 2014-cü ilin iyul ayında Hariss uşaqlar da daxil olmaqla, cinsi təcavüzə görə 5 il 9 ay müddətinə həbs cəzasına məhkum edilib. İstintaq zamanı məlum olub ki, şoumen məşhurluğundan istifadə edərək, insanlarda özünə qarşı rəğbət yaradıb və cinsi təcavüz göstərib. Onun qurbanlarına hədə-qorxu gəldiyi də məlum olub.

Rolf Harris bütün bunlara görə Britaniya imperiyasının və Avstraliyanın ordenlərindən məhrum edilib.

Rəsmiyyə Şərifova,
KONKRET.az