189-190 nömrəli tam orta məktəbin direktoru Ceyran Quliyevanın müəllimlərdən pul yığması ilə bağlı yayılan səs yazısı bir neçə gündür gündəmi zəbt edib. Cəmiyyət tərəfindən ciddi narazılıqla qarşılanan hadisə ilə bağlı artıq direktor vəzifəsindən azad edilib.

KONKRET.az xəbər verir ki, Yenisabah.az-a daxil olan məlumata görə, bununla bağlı Təhsil naziri Emin Əmrullayev əmr imzalayıb.

Xatırladaq ki, Ceyran Quliyeva Baş nazirin sabiq müavini Abid Şərifovun bacısı qızıdır və deyilənə görə o uzun illərdir ki, məhz dayısının hesabına vəzifədə qalmışdı.