“ABŞ-də erməni diasporunun təsiri həddindən artıq çoxdur. Bu da Senat üzvlərinin Ermənistana qarşı qərəzli mövqe tutmamasına, Azərbaycana qarşı yanlış münasibət bəsləməsinə səbəb olur. Senatda Azərbaycanla münasibətləri dəyişəcək birtərəfli münasibətə gəlincə, mən hesab edirəm ki, bu, bir qədər iddialıdır. Şəxsən mən hesab edirəm ki, ABŞ-nin Azərbaycana daha çox ehtiyacı var. Mən bunun Qafqazda sülhə təsir edib-etməyəcəyinə şübhə edirəm. Azərbaycan ABŞ ilə münasibətlərində bir az daha çevik olmalıdır”.

KONKRET.az xəbər verir ki, bunu Modern.az-a açıqlamasında niderlandlı siyasi şərhçi, Xocalı soyqırımı haqqında kitabın müəllifi Henri Van Rens bildirib.

O qeyd edib ki, ABŞ məlumatları yanlış şəxslərdən alır:

“Amma Azərbaycan, şübhəsiz ki, ABŞ-nin təsirinə düşməməlidir. Amerika konqresi/senat üzvləri əslində heç bir şey olmadıqda tez-tez qanlı çıxışlar edirlər. Amma mən deyirəm ki, daha da geriyə getsinlər, görsünlər ki, əsl soyqırımı törədənlər kimlərdir. Məsələn, 1988-ci ildən 1994-cü ilə qədər olan dövrü götürək. O zaman kim soyqırımı törədib? O zaman azərbaycanlıların Ermənistandan və Qarabağdan gələn bu qanlı dəstələrə qarşı heç nə etmək şansı yox idi. İndi ABŞ konqresmenləri guya azərbaycanlıların törətdiyi soyqırımdan danışırlar. Bunların hamısı yalandır. Sadəcə, yanlış insanlardan yanlış məlumatlar alırlar. Qarabağ ermənilərinə Azərbaycan hakimiyyəti mane olmayıb. Onlar, hətta, Ermənistana getmək üçün bütün lazımi əşyalarla təmin olunublar. Azərbaycanlılar Birinci Qarabağ Müharibəsindən əvvəl və 1992-ci il fevralın 26-da Xocalıda təhlükəsiz ərazilərə uçmaq cəhdləri zamanı qətlə yetirilib. Fikrimcə, zaman keçdikcə Azərbaycanla münasibətlər əvvəlki kimi olacaq”.