“Adidas” Bella Hadiddən üzr istəyib

Almaniyanın idman geyim markası “Adidas” İsrailin reaksiyasından sonra ayaqqabı reklamından çıxardığı dünyaca məşhur fələstinli model Bella Hadiddən üzr istəyib.

KONKRET.az xəbər verir ki, məşhur modelin “Adidas”ın kampaniya siması olmasına İsrail tərəfdarları reaksiya verib. İsrailin Almaniyadakı səfirliyinin rəsmi X hesabında edilən açıqlamada bu ifadələr yer alıb: “Təxmin edin, kampaniyanın siması kimdir? Bella Hadid antisemitizmi yayan Fələstin əsilli bir modeldir. O, daim dünyanı israillilərə və yəhudilərə qarşı zorakılığa çağırır”.

“Adidas” fələstini dəstəkləyən və İsraili tez-tez tənqid edən Bella Hadidi reklamından çıxardıqdan sonra boykot çağırışlarına məruz qalıb.

Hadid brendə qarşı hüquqi addım atmağı planlaşdırırdı. Adidas buna cavab olaraq yenilənmiş mesajında ​​Hadiddən üzr istəyib.

“Biz həmçinin tərəfdaşlarımız Bella Hadid, ASAP Nast, Jules Kounde və başqalarından onlara göstərdiyi mənfi təsirə görə üzr istəyirik və reklam kampaniyasını nəzərdən keçiririk”, – deyə üzrxahlıq mesajında ​​deyilir.

Rəsmiyyə Şərifova,

KONKRET.az