Mərkəzi Afrika Respublikasındakı “Rus evi” Mədəniyyət Mərkəzinin direktoru Dmitri Sıtıya sui-qəsd cəhdi olub.
KONKRET.az “İnterfaks”a istinadən xəbər verir ki, bu barədə Rusiyanın Banqidəki diplomatik missiyasının mətbuat attaşesi Vladislav İlyin bildirib.
Məlumata görə, Sıtıya göndərilən bağlama açılan zaman partlayıb.
Dmitri ağır xəsarətlərlə xəstəxanaya yerləşdirilib.
Afrika dövlət polisi hadisəni terror aktı hesab edib. Faktla bağlı araşdırma aparılır.