Ağdamda həqiqətən nə vaxtsa bir şəhərin olduğuna inanmaq çətin idi.

KONKRET.az xəbər verir ki, bunu Avropa Şurası Parlament Assembleyasının (AŞPA) bu gün keçirilən payız sessiyası zamanı “Ermənistan və Azərbaycan arasındakı münaqişənin humanitar nəticələri” adlı hesabatın müəllifi, irlandiyalı deputat Pol Qavan (Paul Gavan) bildirib.

“Bir zamanlar firavan və 30 min əhalisi olan Ağdama gələndə orada qalan dağıntıların şahidi oldum, həqiqətən də bir vaxtlar orada belə bir şəhərin olduğuna inanmaq çətin idi. Bu mənim üçün bir şok oldu və müharibənin faciə və dağıdıcı olduğuna qaytarır”, – məruzəçi qeyd edib.