“ABŞ-da 93 oktandan yuxarı benzin satışına rast gəlmədim. İnsanlar adətən 89 və 91 oktandan istifadə edirlər. 93 oktanlı benzinin 1 qalonunun (təxmini 4 litr) qiyməti təxmini 2.80 dollardır. Bizdə adı 92 oktan qoyulmuş benzin ABŞ-da satılan 89 oktan benzindən keyfiyyətsizidr. Çünki 89 oktanlı benzindən istifadə edəndə avtomobilin motor və injektor sistemində heç bir problem yaranmır. Amma, Aİ 92 markalı benzin avtomobilin motor və injektor sistemini sıradan çıxarır”.

KONKRET.az-ın xəbərinə görə, bunu vəkil Elçin Sadıqov bildirib.

“Sonuncu dəfə dizelin və Aİ 92 benzinin qiyməti qaldırlanda TŞ qeyd etmişdi ki, artırılan məbləğ benzinin və dizelin saflaşdırlmasına və keyfiyyətinin yüksəldilməsinə sərf ediləcəkdir. Lakin, dizel və Aİ 92 benzinin tərkibində heç bir dəyişiklik edilməyib. Qeyd edilən yanacaqların keyfiyyəti aşağı olduğundan insanların əksəriyyəti Aİ 95 benzin işlətməyə məcburdur. Ona görə də hazırkı bahalaşma ölkədə ümumi bahalaşmaya səbəb olacaqdır. Dünyada neftin qiymətinin ən yüksək qiymətdən təxminən 50 faiz azaldığı halda (qeyd edim ki, neftin qoyməti 120 dollardan yuxarı olduğu vaxtlarda Aİ 95 1 manatdan da ucuz idi) Aİ 95-in qiymətinin artması yolverilməzdir. Aİ 95-in ölkəyə idxal edilməsində monopoliya aradan qaldırılmalıdır. Aİ 95 in qiyməti bazar qiymətinə uyğun tənzimlənməlidir” – E.Sadıqov qeyd edib.