Avropa İttifaqı (Aİ) Şurası 2023-cü ildə Ukraynaya 18 milyard avro məbləğində makromaliyyə yardımının göstərilməsini təsdiqləyib.
KONKRET.az xəbər verir ki, bu barədə Aİ Şurası bəyanat yayıb.
“Şura Aİ-nin 2023-cü il ərzində Ukraynaya 18 milyard avro məbləğində maliyyə yardımı göstərməsinə imkan verəcək qanunvericilik paketi üzrə razılığa gəlib”, – qeyd edilib.
Bildirilib ki, 18 milyard avroluq kredit 10 illik güzəştli şərtlərlə təqdim olunur.
Aİ Şurasının bu təklifi gələn həftə Avropa Parlamentinə göndəriləcək.