“Alə, keyfim isteyir!” – Həftənin höcətibackend

"Alə, keyfim isteyir!" - Həftənin höcəti

Bir MİLLƏT – iki LÜĞƏT

Soruşdum ki, «Gələcək?».

Dedi: «Ha, gələjəkdi».

– Yoxla, bəlkə də gəlib.

Dedi: «Uje gəlifdi».

¨

– Sənə nəsə gətirib?

– Gətirif, qadan aleym.

– Ölçüsü düz gəlibmi?

– Gəlifdir, ağrın aleym.

¨

– Onu geyin bir baxım.

– Qılçam keçmir boynundan.

– Pencəyə ayaq gərək?

– Düyməlidir toyundan.

¨

– Düymələri bir-bir aç.

– Bunu de da bayaxdan.

– Nə, geyindin ayaqdan?

– Ayaxdan yox, balaxdan.

¨

– …İşin çətinə düşüb.

– Düşüp? Göster qaldıreym.

– Söhbətdən beynim şişib.

– Şişif – dərman aldıreym.

¨

– Sənə özüm alaram…

– Nə alarsan sən ma-a?

– Alaram sənə …lüğət.

– Orfoqrafdanmı, qağa?

¨

– Niyə belə deyirsən?

– Alə, keyfim isteyir.

– Sən sözləri yeyirsən.

– Can, mən ancaq dişləyir…

¨

– Dürüst olsun dilimiz.

– Bunu edək hancarı?

– Bir qayda bizə gərək.

– Yox, pozax qaydaları!

¨

– Axı bir dil keçmişik.

– Ciyim olufdu məllim.

– Dərslikdən öyrənmişik.

– «Əla» yazıf qiymətim!

¨

– Qiymətlər bilik deyil.

– Olma sən narahatçı:

İnstitutda dilçiyəm,

Əli qələmli məllim.

¨

– Qafiyə hara getdi?

– Kim hərləyir ki, onu?!

Əsas puldur, vəzifə,

Burax mənim boynumu.

¨

– Ay bala, azadsan sən,

Get qoşul o sürüyə!

Xalq belə danışarsa,

Gərək bu dil …çürüyə!

 

Əməkdar haqq şairi:

A.ƏZİZ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*