Almaniyanın qərbində selə görə hərbi fəlakət rejimi elan edilib.

KONKRET.az “RİA Novosti”yə istinadən xəbər verir ki, bu barədə Almaniya Müdafiə Nazirliyinin nümayəndəsi iyulun 16-da Berlində keçirdiyi brifinqdə məlumat verib.

Məlumata görə, bununla bağlı müdafiə naziri Anneqret Kramp-Karrenbauer uyğun qərar qəbul edib.

B rejim tətbiq edilən bölgələrə lazım olan yardımla bağlı əmri yerlərdəki komandirlər verəcəklər.

Qeyd edək ki, Almaniyada sel nəticəsində ölənlərin sayı 100 nəfəri keçib, 1 300 nəfər isə itkin düşmüş sayılır.

Xatırladaq ki, daşqın yalnız Almaniyada deyil, Belçika və Niderlandda da baş verib.