Türkiyənin Antalya şəhərinin Kumluca və Finike rayonlarında gecə saatlarında yağan leysan bəzi yerlərdə daşqınlara səbəb olub, küçələri və evləri su basıb.
KONKRET.az “TRT Haber”ə istinadən xəbər verir ki, Kumluca rayonunda körpülər dağılıb, istixanalar su altında qalıb.
Kumluca Bələdiyyə başçısı Mustafa Köleoğlu televiziya vasitəsilə yerli məktəblərdə gün ərzində dərslərin ləğv edildiyini, fəsadların aradan qaldırılması üçün Fövqəladə Hallar İdarəsindən kömək istədiklərini deyib:
“Biz 50 ildir belə leysan görməmişdik. Xoşbəxtlikdən ölən və yaralanan yoxdur, lakin vəziyyət çox ağırdır”.
Qeyd edək ki, sinoptiklər dekabrın 11-də Türkiyənin 7 əyalətində hava şəraitinin kəskin pisləşəcəyi barədə xəbərdarlıq edib. Mərmərə dənizi ərazisində sürəti 28 m/s-ə çatan qasırğalı küləyin olacağı proqnozlaşdırılıb.
Antalya’nın Kumluca ve Finike ilçelerinde kuvvetli yağış sebebiyle dereler taştı. Çok sayıda ev ve iş yerini su bastı, okullar tatil edildi. Bölgedeki son durum @trthaber’de.https://t.co/OgaR8SlecO pic.twitter.com/BWQWWC1x7q
— TRT Haber Canlı (@trthabercanli) December 12, 2022
İqbal Rzayev,
KONKRET.az