“Ortada ermənilər tərəfindən törədilən müharibə cinayətləri var. Ermənistan mülki insanların kütləvi məhvinə yönəlik ballistik raketlərdən istifadə edib. Qonmdarma DQR-in başçısı Araik Arutunyan bilavasitə mülki şəxs və ərazilərin ballistik raketlərlə vurulması əmrini özünün verdiyini də etiraf edib. Azərbaycan Baş Prokurorluğunda bununla bağlı konkret cinayət işi də açılıb.
“Azərbaycan bununla bağlı lazımi sənədləri toplayaraq Avropa İnsan Hüquqları Məhkəməsinə müraciət edib. Ancaq bu yetərli deyil. Azərbaycan beynəlxalq cəza məhkəməsinin birbaşa üzvü olmasa da, başqa dövlət, xüsusən Türkiyə vasitəsilə BMT TŞ-nın nəzarətində hərbi tribunal yaradılması üçün müraciət edə bilər. Burada hərbi cinayətkarların məsuliyyətə cəlb olunması üçün mütləq mənada ortaya konkret tələb qoya bilərik ki, bu istiqamətdə qərardad qəbul edilsin. Yəni, Ermənistanın ölkəmizə qarşı törətdiyi cinayət hadisələrində də Bosniya və Hersoqovina praktikasının bilavasitə tətbiqinə ehtiyac var. Azərbaycan bu yöndə də hərəkətə keçməlidir”./sfera.az/