AŞPA məruzəçisi Ermənistanda keçirilən növbədənkənar parlament seçkilərini tənqid edib.
“Ermənistandakı növbədənkənar parlament seçkiləri zamanı biz zəhərli siyasi iqlimin və qütbləşmələrin şahidi olduq. Bunun əsas səbəbi də Ermənistanın Dağlıq Qarabağda Azərbaycana məğlub olması idi. Müxalif partiya hökuməti çox şiddətlə tənqid edirdi. Biz tez-tez nifrət sözlərinin şahidi olurduq”.
KONKRET.az xəbər verir ki, bu sözləri AŞPA-nın Ermənistandakı növbədənkənar parlament seçkilərini izləyən məruzəçisi Corc Katruqalos deyib.
O məruzədə qeyd edib ki, AŞPA-nın nümayəndə heyəti rəqiblər arasındakı aqressiv danışıq və ittihamların, yüksək qütbləşmənin vəziyyəti pisləşdirdiyi ilə bağlı narahatlığını ifadə edib.