Mərkəzi Afrika Respublikasının (MAR) paytaxtı Banqidə Avropa İttifaqının (Aİ) nümayəndəliyinin bina kompleksi yanıb.
KONKRET.az xarici mediaya istinadən xəbər verir ki, bu barədə Aİ-nin MAR-dakı səfiri Duqlas Darius Karpenter “Twitter“də bildirib.
Onun sözlərinə görə, hadisə nəticəsində heç kim xəsarət almayıb.
Bildirilib ki, yanğın dekabrın 19-na keçən gecə baş verib. Hadisənin təfərrüatları məlum deyil.
Qeyd edək ki, dekabrın 16-da Mərkəzi Afrika Respublikasında “Rus evi” Mədəniyyət Mərkəzinin direktoru Dmitri Sıtıy sui-qəsd nəticəsində ağır yaralanıb. O, poçtla gətirilən içərisində partlayıcı olan bağlamanı açıb. Onun vəziyyəti hələ də ağırdır. Rusiya Xarici İşlər Nazirliyi partlayışı terror aktı hesab edib.
Les bâtiments de la délégation de l’UE à Bangui ont été ravagés par un incendie cette nuit. Personne a été blessé. Nous remercions tous nos partenaires pour leur patience pendant la période de réorganisation de nos services. Merci pour votre attention.
— Douglas Darius Carpenter🇪🇺 (@UEDouglasCarp) December 19, 2022
İqbal Rzayev,
KONKRET.az