Avropa Parlamenti Ərdoğanın qələbəsindən sonra Ankara ilə Aİ-yə üzvlüklə bağlı danışıqlara son qoymağa çağırıb.
KONKRET.az xəbər verir ki, bunu WAZ-a müsahibəsində Avropa Parlamentinin aparıcı fraksiyası olan Avropa Xalq Partiyasının (EPP) rəhbəri Manfred Veber deyib.
Veber hazırkı prezident Rəcəb Tayyib Ərdoğanın növbəti qələbəsindən sonra Ankara ilə Brüssel arasında gələcək əməkdaşlıqla bağlı sualı cavablandırıb.
O bildirib ki, nə Avropa Birliyi, nə də Türkiyə artıq ölkənin Avropa Birliyinə üzv olmasını istəyir.
“Son illər göstərdi ki, Aİ ilə Türkiyə arasında sıx tərəfdaşlıq vacibdir. Lakin heç kim Türkiyənin Aİ-yə tam üzv olmasını istəmir, nə Türkiyə, nə də Aİ”, – deyə Veber vurğulayıb.
Bu səbəbdən Avropa Parlamentinin deputatı Ankara ilə Aİ-yə üzvlüklə bağlı danışıqlara son qoymağa çağırıb.
Veberin bəyanatı Rəcəb Tayyib Ərdoğanın Türkiyə prezident seçkilərində qalib gəldiyi gün verilib. Türkiyə 1999-cu ildən Aİ üzvlüyünə namizəddir.
Xuraman Etibarlı,
KONKRET.az
Qoy rədd olsun Aİ
Vaxtilə görkəmli şairimiz Bəxtiyar Vahabzadə bu barədə çox gözəl demişdir:- Türkiyə Avropanın quyruğunda sürünməkdəndisə Türk dünyasının önündə getsə daha yaxşıdır.
Türkiyə daha Aİ yox Turan birliyi yaratmaq strategiyasını önə çəkib Bizi istəməyəni biz dünəndən istəmirik