Azərbaycan millisinin və “Sabah” klubunun futbolçusu Namik Ələsgərov əməliyyat olunub.
KONKRET.az xəbər verir ki, paytaxt təmsilçisindən “Report”a verilən məlumata görə, 27 yaşlı yarımmüdafiəçi qasıq nahiyəsindəki yırtığa görə cərrahi müdaxiləyə ehtiyac duyub.
Almaniyanın Münhen şəhərindəki klinikalardan birində baş tutan əməliyyat uğurlu keçib.
Həkimlərin rəyinə əsasən, Ələsgərov təxminən bir ay sonra komanda ilə məşqlərə qoşula biləcək.