Hazırda regionda baş verən hərbi gərginliklə bağlı Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi Azərbaycan Respublikasının bayrağı altında üzən gəmilərə xəbərdarlıq edib.
KONKRET.az xəbər verir ki, bunu milli.az-a açıqlamasında Dövlət Dəniz və Liman Agentliyinin mətbuat katibi Pərvanə İmanova deyib.
O bildirib ki, təhlükəsizlik tədbirləri ilə bağlı gəmilərin İran limanlarına səfər etməsi tövsiyə olunmur.
Qeyd edək ki, 28 fevral tarixindən İsrail və Amerika Birləşmiş Ştatları ilə İran arasında gərginlik yaşanır.