2022-ci il 31 dekabr tarixinə operativ məlumatlara əsasən, Azərbaycanın xarici dövlət borcu 6 milyard 693 milyon 200 min ABŞ dolları təşkil edib.
KONKRET.az xəbər verir ki, bunu Baş nazir Əli Əsədov Milli Məclisin iclasında Nazirlər Kabinetinin 2022-ci ildə fəaliyyəti haqqında hesabatı təqdim edərkən deyib.
O bildirib ki, 2022-ci il 1 yanvar tarixinə olan göstəricisi ilə müqayisədə xarici dövlət borcunun məbləğinin mütləq ifadədə 700,2 milyon ABŞ dolları azalmasına nail olunub:
“Bundan başqa, Azərbaycan Respublikası ilə beynəlxalq maliyyə təşkilatları arasında imzalanmış kredit sazişləri çərçivəsində 2022-ci il ərzində 157,7 milyon ABŞ dolları məbləğində kredit vəsaitindən istifadə edilib”.