Azərbaycan və Türkiyə İğdır-Naxçıvan qaz kəməri ilə bağlı anlaşma memorandumu imzalayıb.

KONKRET.az xəbər verir ki, sənəd Türkiyənin Enerji və Təbii Qaynaqlar naziri Fateh Dönməz və Azərbaycanın Energetika naziri Pərviz Şahbazov tərəfindən imzalanıb.

Layihə SOCAR və Türkiyənin BOTAŞ şirkəti tərəfindən həyata keçiriləcəkdir.

İmzalanma mərasimindən əvvəl çıxış edən Şahbazov deyib:

“İki ölkə enerji sahəsində nəhəng layihələrə imza atırlar. Azərbaycan Türkiyəyə 18 milyard dollarlıq sərmayə qoyub”.