Gecə saatlarında Bakıda klubda bıçaqlanma olub.

KONKRET.az xəbər verir ki, hadisə Qara Qarayev prospektində yerləşən “Palermo” gecə klubunda qeydə alınıb.

Dava-dalaş zamanı 1995-ci il təvəllüdlü Bahar Məmmədova (şərti) kürək nahiyəsindən bıçaqlanıb. 28 yaşlı qız Sabunçu Tibb Mərkəzinə yerləşdirilib.

İlkin araşdırmalar zamanı hadisənin 2000-ci il təvəllüdlü C.Əliyev tərəfindən törədilməsi məlum olub.

Faktla bağlı cinayət işi açılıb, araşdırma aparılır.