KONKRET.az Medicalxpress-ə istinadən xəbər verir ki, İngiltərənin bir sıra universitetlərində bir qrup elm adamı çox qısa və uzun yuxu ilə ağciyər fibrozu arasındakı əlaqəni ortaya qoyub. Beləliklə mütəxəssislər insan sağlamlığı üçün optimal yuxu vaxtını müəyyən ediblər.

Həkimlərə görə, bir insan üçün optimal yuxu müddəti yeddi saat olmalıdır. Normadan sapma, həkimlərin fikrincə, təhlükəli ola bilər və sağlamlığa, xüsusən də ağciyərlərə ciddi ziyan vurur. Alimlər hesab edirlər ki, hər il beş min britaniyalı bu səbəblərə görə dünyasını dəyişir.

İngilis həkimlər siçanlar üzərində bir sıra araşdırma aparıblar və yuxu müddətinin ağciyər sağlamlığına birbaşa təsir etdiyini müəyyən ediblər. Mütəxəssislər təxminən dörd saat və ya daha az yuxu verən insanların iltihab və fibroz xəstəliyinə tutulma ehtimalının iki dəfə çox olduğunu vurğulayıblar. Mütəxəssislərin qeyd etdiyi kimi, çox uzun yuxu pulmoner fibroz riskini daha da artırır. Onların hesablamalarına görə, gündə 11 saatdan çox yatan insan yeddi saatlıq yuxu seçənlərə nisbətən xəstəlikdən üç qat daha həssasdırlar.

Mütəxəssislər bioloji saatın orqanizmlərin hormonlarına və metabolizmasına təsir etdiyini də qeyd ediblər. Tədqiqatda Mançester, Oksford, Newcastle, University College London və digər təhsil müəssisələrinin alimləri iştirak ediblər