Bu gün istintaq orqanının təqdimatı ilə Bakının Xətai Rayon Məhkəməsi ictimai fəal Bəxtiyar Hacıyevin həbs müddətini daha iki ay – iyunun 28-dək uzadıb.

KONKRET.az xəbər verir ki, bu barədə Azadlıq Radiosuna müdafiə tərəfindən məlumat verilib.

Müdafiə tərəfinin bildirildiyinə görə, onlar məhkəmənin qərarı ilə razılaşmadıqlarını və bu qərardan şikayət vermək niyyətində olduqlarını açıqlayıblar.

Qeyd edək ki, ötən ilin dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanıb.