Akademik Cəlal Əliyevin illər öncə verdiyi müsahibəsi yayımlanıb.

KONKRET.az xəbər verir ki, o, müsahibəsində Bəxtiyar Vahabzadə ilə görüşündən də danışıb:

“Bir gün Bəxtiyar Vahabzadə mənə zəng etdi. Dedi ki, görüşmək lazımdır. Onunla Sabir bağında görüşdük. Bəxtiyar Vahabzadə dedi ki, Heydər Əliyev Bakıya gəlsə, onun təyyarəsini vuracaqlar. İndi mən tək başıma necə qərar verim? Desəm ki, gəl, onu vuracaqlar. Desəm ki, gəlmə, orada da hər cür hadisə baş verə bilər. Əjdər Xanbabayev də bu məsələlərdə özünü fəal aparırdı. Çox yaxınlığımız yox idi, amma özünü mərd aparırdı. Onunla zəngləşdim, getdim “Azərnəşr”ə. Götür-qoy etdik, axırda dedik ki, zəng edək, Heydər Əliyev gəlsin”, – deyə o bildirib.