Beyrutdakı partlayışdan sonra Livana dəyən zərərin miqdarı açıqlanıb.
KONKRET.az xarici mətbuata istinadən xəbər verir ki, şəhərin qubernatoru Marvan Abbud ziyanın 3 milyarddan 5 milyard ABŞ dollarınadək olacağını bildirib.
Xatırladaq ki, ötən gün Livanın paytaxtı Beyrutda baş verən güclü partlayış nəticəsində 100-dən çox insan ölüb, 4 mindən çox insan yaralanıb. Hüquq-mühafizə orqanlarının ilkin məlumatına görə, qaynaq işlərinin icra edilməsi zamanı 2 700 tonluq nitrat ammonyak – amonyak turşusu və digər maddələr partlayıb.