Livanın paytaxtı Beyrutda meydana gələn partlayışdan bir ay sonra dağıntı altındakı bir binadan  yaşayış izinə rast gəlinib. Baş verən hadisədən sonra ola biləcək möcüzəyə qarşı xilasetmə çalışması başladılıb.

KONKRET.az xəbər verir ki, avqust ayının 4-ündə baş verən dəhşətli partlayış nəticəsində dağılan binalardan birində nəbz və nəfəs alıb-vermə təsbit edilib.

Xilasetmə dəstələri səs tesbit edən cihazla apardıqları axtarış nəticəsində dağıntı altında dəqiqədə 18-19 dəfə döyünən ürək döyüntüsü təsbit edib.

Xilasetmə əməkdaşları dağıntı altından bir nəfərin bir ay sonra sağ çıxarılmasının çox nadir görülsə də mümkün ola biləcəyini söyləyib. moderator.az