İngiltərə Hərbi Hava Qüvvələri Baş Qərargah rəisi Maykl Uiqston Rusiyanın Kaliningrad bölgəsində qanadlı raketlər yerləşdirmə ehtimalı ilə əlaqədar ölkəsinin narahatlıqlarını ifadə edib.

KONKRET.az xəbər verir ki, Maykl Uiqstona görə, bu vəziyyətdə Böyük Britaniya məhvolma radiusunda olacaq. Bununla əlaqədar olaraq aviasiya yollarının necə dağıdılacağını öyrənmək lazım gəlir.

Uiqston Rusiyanın “çox inkişaf etmiş” hava hücumundan müdafiə sistemlərinə sahib olduğunu bildirib: “Biz geridə qaldıq. Strateji xüsusiyyətlərimizə və Amerika çətiri altında olduğumuza görə yer üzündə hava hücumundan müdafiə sisteminə ehtiyacımız yox idi deyə əvvəllər buna sərmayə qoymağa ehtiyac duymurduq. Lakin indi yanaşma dəyişir”.