Bolqarıstan qarşıdan gələn istilik mövsümü üçün Azərbaycandan əlavə 200-300 milyon kubmetr qaz almaq istəyir.
KONKRET.az xəbər verir ki, bu barədə Bolqarıstan Teleqraf Agentliyinə energetika naziri Rosen Xristov bildirib.
“Azərbaycanla qazın həcminin daha 200-300 milyon kubmetr artırılması ilə bağlı danışıqlar aparılır”, – o deyib.
Hazırkı müqaviləyə görə, Bolqarıstan 1 milyard kubmetr Azərbaycan qazını ala bilər.
Bununla yanaşı, Bolqarıstan Azərbaycandan əlavə (ildə təxminən 0,5-1 milyard kubmetr) qaz almağı planlaşdırır.
Qeyd edək ki, Azərbaycan qazının Avropaya – İtaliya, Yunanıstan və Bolqarıstana tədarükü 2020-ci il dekabrın 31-dən Trans-Adriatik Qaz Boru Kəməri (TAP) vasitəsilə başlayıb.
İnterkonnektorun olmaması səbəbindən Azərbaycan qazının Bolqarıstana nəqlinin həcmi nəzərdə tutulduğundan bir neçə dəfə az olub.
İqbal Rzayev,
KONKRET.az