Borrelldən Donbassdakı referendumlarla bağlı ÇAĞIRIŞbackend

Borrelldən Donbassdakı referendumlarla bağlı ÇAĞIRIŞ

Aİ-nin xarici işlər və təhlükəsizlik siyasəti üzrə ali nümayəndəsi Cozep Borrell Ukraynanın azad edilmiş ərazilərində referendumlarla əlaqədar yeni anti-Rusiya sanksiyalarının tətbiqinə çağırıb.

KONKRET.az xəbər verir ki, müvafiq bəyanatı  onun mətbuat xidməti yayıb.

“Rusiyaya qarşı əlavə məhdudlaşdırıcı tədbirlərə baxılacaq”, – deyən Borrell, “Ukraynada bu referendumlarda və beynəlxalq qanunların digər pozuntularında iştirak edənlərin hamısının məsuliyyətə cəlb ediləcəyini” qeyd edib.

Borrell həmçinin hesab edir ki, referendumlar “heç bir halda bu ərazilərdə yaşayan insanların iradəsinin ifadəsi sayıla bilməz”.

O, Avropa İttifaqının “Ukraynanın müstəqilliyi, suverenliyi və ərazi bütövlüyünü dəstəkləməkdə qətiyyətli olacağına” söz verib və Rusiya Federasiyasını bütün qoşunlarını və hərbi texnikasını beynəlxalq səviyyədə tanınmış sərhədləri daxilində Ukraynanın bütün ərazisindən dərhal çıxarmağa çağırıb. Aİ-nin Ukrayna ərazisinin bu tərifi, xüsusən də Krımı əhatə edir.

Donetsk və Luqansk Xalq Respublikalarının hakimiyyət orqanları, eləcə də Zaporojye və Xerson vilayətlərinin administrasiyaları Rusiyanın Federasiya subyektləri kimi tərkibinə daxil olmaq üçün referendum keçirmək qərarına gəliblər. Bütün bu ərazilərdə səsvermə sentyabrın 23-dən 27-dək keçiriləcək.

Bir cavab yazın

Sizin e-poçt ünvanınız dərc edilməyəcəkdir.

*

*

*