Braziliya millisinin baş məşqçisi Tite istefa verib.

KONKRET.az xəbər verir ki, bu barədə onun özü məlumat verib.

O, bu qərarı rəhbərlik etdiyi komandanın Qətərdə keçirilən dünya çempionatının 1/4 finalında Xorvatiya yığmasına uduzmasından sonra verib.

Tite 2016-cı ildən Braziliya millisini çalışdırır. 2018-ci ildə Braziliya Futbol Konfederasiyası onunla müqaviləni 2022-ci ilə qədər, yəni Qətərdə keçiriləcək dünya çempionatının sonuna qədər uzadıb.

Qeyd edək ki, Braziliya-Xorvatiya matçı 1:1 hesabı ilə başa çatsa da, penaltilər seriyasında Avropa təmsilçisi rəqbini üstələyib və yarımfinala keçən ilk komanda olub.