Böyük Britaniyada altı nəfərdə yeni növ koronavirus infeksiyasının Braziliyada yayılan ştammı aşkar edilib.

Bu barədə KONKRET.az RİA “Novosti”yə istinadən xəbər verir.

Qeyd olunub ki, yoluxanların ikisi Braziliyadan təyyarə ilə ölkəyə gəlib. Üçüncü yoluxmuş şəxsin səyahətçilərlə əlaqəsi olmayıb, onun necə yoluxduğu araşdırılır.

Şotlandiyada da üç yoluxma hadisəsi qeydə alınıb.

Xatırladaq ki, Braziliyada koronavirusun yeni mutasiyası ötən ilin dekabr ayında aşkarlanıb və iki növü mövcuddur.