Vyetnam müharibəsi zamanı ABŞ-ın intensiv hücumuna məruz qalan Laosda təxminən 80 milyon partlamamış bomba və mərmi qalıb.
KONKRET.az xəbər verir ki, bu barədə Yaponiyanın “Nikkei” qəzeti məlumat yayıb.
Bildirilib ki, 2008-ci ildən bəri bu sursatların partlaması nəticəsində 1000-dən çox yerli sakin həlak olub və ya yaralanıb.
Qeyd olunub ki, 1964-1973-cü illərdə ABŞ Hərbi Hava Qüvvələri Laosa 2 milyon tona yaxın bomba atıb. Bu, İkinci Dünya Müharibəsi zamanı Almaniya və Yaponiyaya atılan bombaların ümumi sayından çoxdur.
Məlumata görə, Laosda Amerika bombalarının təxminən üçdə biri partlamayıb. 1996-cı ildən 2021-ci ilə qədər istehkamçılar 1,7 milyona yaxın partlamamış hərbi sursatları zərərsizləşdiriblər.
İqbal Rzayev,
KONKRET.az