Edinburqda şotlandların Hoqmaney Yeni il bayramı üçün təşkil edilən küçə şənlikləri qasırğa xəbərdarlığına görə ləğv edilib. Həmçinin, Londonda da Yeni il atəşfəşanlığı güclü külək (sürəti 18 m/s-dən çox) səbəbindən baş tutmaya bilər.

KONKRET.az Oxu.az-a istinadla xəbər verir ki, Böyük Britaniyanın meteorologiya xidməti tərəfindən verilən güclü külək, yağış və qarla bağlı xəbərdarlıq yanvarın 2-dək qüvvədə qalacaq.

Şotlandiyada dekabrın 31-də hava şəraiti ən sərt həddə olacaq.

Xəbərdarlıq Britaniyanın şimalının böyük hissələrinə, eləcə də Uelsin bir hissəsinə şamil edilib.