Bakının Sabunçu rayonundakı 90 nömrəli tam orta məktəbin 11A sinfini bitirən 14 məzunun hamısı 2021-2022-ci tədris ilində ali məktəblərə keçirilən qəbul imtahanlarında iştirak edərək tələbə adını qazanıblar.

KONKRET.az xəbər verir ki, sinif rəhbəri Mailə Xankişiyeva şagirdləri ilə qürur duyduğunu deyib.

Gəncə şəhərindəki Mir Cəlal Paşayev adına 39 saylı tam orta məktəbin 11B sinfini bitirən 17 məzunun da hər biri tələbə adını qazanıb.

Sinif rəhbəri Jalə Məmmədova deyib ki, məzunların belə bir uğura imza atmalarına əmin idi.

Qeyd edək ki, 39 saylı tam orta məktəbin məzunlarından 4-ü 500-dən, 2-i isə 600-dən artıq bal toplayıb. (Xəzər Xəbər)