Bakı Tikiş Evi (BTE) iyulun 1-dən etibarən məktəbli formalarının qiymətini 25 faizə qədər endirəcək.
KONKRET.az xəbər verir ki, bu barədə İqtisadiyyat.az-a BTE-nin şöbə müdiri Etibar Əzimov məlumat verib.
Onun sözlərinə görə, qiymətlərin aşağı salınması barədə qərar ucuz satılan saxta məktəbli formaları ilə rəqabətdə uduzmamaq üçün qəbul olunub.
Şöbə müdiri bildirib ki, BTE-nin məhsullarının keyfiyyətli materialdan istehsal edilməsinə baxmayaraq, ucuz qiymətə satılan saxta məktəbli formalarına da tələbat müşahidə olunur. Buna görə də endirimlə bağlı qərar qüvvəyə minib və iyulun 1-dən etibarən məktəbli formaları yeni qiymətlə satışa çıxarılacaq.
E.Əzimov söyləyib ki, məktəbli formalarının yeni endirimli satış qiymətləri bu günlərdə müəyyələşdiriləcək.
O qeyd edib ki, yeni qiymətlər bütün geyimlərə şamil ediləcək.