İmkanı olan Rusiya vətəndaşları İsrail və İranı tərk etməlidirlər, bu, müvafiq olaraq Misir və Azərbaycan vasitəsilə həyata keçirilə bilər, belə bir proses artıq aktiv şəkildə davam edir.

KONKRET.az xəbər verir ki, bunu Rusiya Prezidentinin Yaxın Şərq və Afrika üzrə xüsusi nümayəndəsi, xarici işlər nazirinin müavini Mixail Boqdanov deyib.

“Birincisi, hamını ora getməməyə çağırdıq. İkincisi, kim çıxa bilirsə, çıxsın. Əgər kimisə çıxarmaq lazımdırsa, bunu Misir ərazisindən, İrandan Azərbaycan ərazisi ilə çox fəal şəkildə edirik, bu proses artıq tam sürətlə gedir”, – Boqdanov bildirib.