Cəlilabada elçiliyə gəlib yox cavabı alan oğlanın “o qızı vermirsinizsə, qaçıracam” deməsi qətl ilə nəticələnib.

KONKRET.az xəbər verir ki, hadisə bir neçə gün əvvəl Biləsuvar rayonu Aşağı Cürəli kəndində baş verib. “Hə”ni ala bilməyən Rüfət Əlizadə Vüsal İlhamlını bir bıçaq zərbəsi ilə öldürüb.

Belə ki, hadisədən bir neçə gün əvvəl həmin kənddən olan 1993-cü il təvəllüdlü Rüfət Əlizadə valideynlərini Cəlilabad rayonuna – sevdiyi qızın ailəsinə elçi göndərib. Lakin elçilik zamanı tərəflər arasında razılıq əldə edilməyib. Bundan sonra Rüfət xəbər göndərərək qızı qaçıracağını bildirib.