Cəlilabadda 1 hektara yaxın meşəlik ərazidə yanğın baş verib.
KONKRET.az xəbər verir ki, rayonun Oğrubulaq və Bəcirəvan kəndləri yaxınlığında meşəlik ərazidə yanğın qeydə alınıb.
Yanğının qeydə alındığı əraziyə Fövqəladə Hallar Nazirliyinin Cəlilabad Rayon Dövlət Yanğından Mühafizə Hissəsinin müvafiq texnikaları və əməkdaşları cəlb olunub.
Kənd sakinlərinin də köməkliyi ilə yanğın lokallaşdırılıb. Yanğın artıq söndürülüb.
Faktla bağlı araşdırma aparılır.